XORNADA
A música: O territorio perfecto para unir marcas e consumidores
DATA E HORA
2 Xullo 2020 | 19:00 a 20:30 h
LUGAR
SEDE FUNDACIÓN PAIDEIA GALIZA (Praza María Pita, 17. A Coruña)
AFORO LIMITADO seguindo a lexislación vixente na proteción fronte a Covid-19.
STREAMING a través da canle de youtube de Fundación Paideia Galiza.
«A música é unha forma de soñar xuntos e ir a outra dimensión»”. – Cecilia Bartoli
Nos últimos anos moitas marcas decidiron unirse ó mundo da música por considerala o territorio perfecto para vincularse emocionalmente cos seus consumidores. Preguntámonos como as marcas aportan valor e melloran as experiencias do público e se son capaces de achegarse á cultura do entorno no que actúan. Son capaces ademais de fomentar ou xerar cambios sociais? Cales son?
RELATORES
Cristina García – Directora de comunicación e márketing en Esmerarte Industrias Creativas
Licenciada en Publicidade e Relacións Públicas pola Universidade de Vigo, deu o salto á industria musical tras unha etapa na produción de formatos televisivos. É Directora de Comunicación e Márketing en Esmerarte Industrias Creativas, onde leva traballado máis de 10 anos en lanzamentos discográficos, xiras e festivais con nomes como Vetusta Morla, Xoel López, Carlos Sadness, O Son do Camiño, PortAmérica…
Santiago Miguélez – Director de Marketing para Iberia en Hijos de Rivera SAU
Físico de formación que, polos azares da vida e a súa paixón polo márketing, acumula 17 anos de experiencia posicionando marcas en sectores tan competitivos como as telecomunicacións ou os produtos de gran consumo. Actualmente é Director de Márketing para Iberia en Hijos de Rivera SAU.
MODERADORA
Belén Regueira – Xornalista
Desenvolveu boa parte da súa traxectoria profesional nos medios públicos galegos, onde realizou información cultural, presentou o programa musical Chambo ou dirixiu o espazo radiofónico Extrarradio que impulsou o concurso A polo ghit.
SHOWCASE
Elman son Keenan Elman, Cristóbal Castro e Fernando Fraga. Esta banda emprendedora compartiu escenario con The Temples e Belle and Sebastian na 32 edición do Festival Noroeste. Elman ten sido definido como pop rock, rock alternativo, até unha especie de punk a cámara lenta. Úneos a paixón polo oficio da música e unha visión compartida.
FORMULARIO DE INSCRICIÓN
Ha finalizado el plazo de inscripción para este evento.