Abrimos inscricións para poder formar parte do Programa Integrado de Emprego de Galicia 2025-2026, unha iniciativa gratuita dirixida a persoas desempregadas da provincia da Coruña.

Cal é o obxectivo do Programa Integrado de Emprego?

O programa, deselvolto en colaboración coa Consellería de Emprego, Comercio e Emigración da Xunta de Galicia, ten como obxectivo mellorar as competencias profesionais e persoais das persoas participantes, adaptándoas ás necesidades reais do mercado laboral actual.

O programa combina orientación laboral individualizada, formación en sectores con alta demanda e prácticas non laborais en empresas da área metropolitana da Coruña. As persoas participantes tamén contarán cunha bolsa de asistencia de 10€ por día e medidas de conciliación como servizo de gardería, atención domiciliaria e entrevistas en liña.

En qué sectores poden ser as prácticas do Programa Integrado de Emprego da Fundación Paideia Galiza?

Entre as accións formativas destacan os cursos de xardinería, limpeza e hixienización, ofimática e competencias dixitais, comercio e atención ao cliente, así como formación en prevención de riscos laborais para albanelería. Tamén se impartirán obradoiros sobre técnicas de busca de emprego, emprendemento, igualdade de xénero e mobilidade laboral.

A quén está dirixida esta iniciativa gratuita?

Este programa está dirixido a persoas menores de 30 anos que se atopen en situación de desemprego, así como para persoas de calquera idade que conten cun certificado de discapacidade. O Programa Integrado de Emprego contará cun total de 100 persoas participantes e ten como obxectivo acadar un 45% de inserción laboral entre as súas beneficiarias.

Onde e durante canto tempo terá lugar o Programa Integrado de Emprego?

Máis información e inscricións:

• 981 22 39 27
• emprega@paideia.es
• Praza de María Pita, 17 – 15001 A Coruña