Lau e Maestro, gañadores do concurso de bandas emerxentes Outra+Outra

Dous proxectos tan diferentes como Lau e Maestro conseguiron convencer ao xurado composto por Patricia Hermida (Heredeiros da Crus, Agoraphobia, …), Josiño Carballo (Novedades Carminha, Holywater, …) e Carlangas (Novedades Carminha) na final do concurso de bandas emerxentes Outra+Outra.

A proposta íntima de Lau e a posta en escena de Maestro, foron clave para decantar esta audición final na que cinco bandas foron as encargadas de dificultar a selección, nunha gala en directo celebrada na sala Malatesta de Santiago de Compostela. O acto foi presentado por Rodrigo Vázquez e amenizado por Carlangas DJ set.

Inland Valley, Lora e Moito! son os outros grupos que participaron na final de Outra+Outra 2019, dando moito que falar, xa que calquera deles poderían ser os gañadores do concurso.

O primeiro premio desta edición consiste na gravación dun EP e a gravación dun video-single de carácter falso directo, e o segundo premio dunha gravación dun single e dun vídeo, tamén de carácter falso directo.

Outra+Outra é un concurso organizado pola Fundación Paideia Galiza, a través de Estudios Mans, e coa colaboración da Deputación da Coruña.

Apoio ó emprendemento musical

O concurso Outra+Outra, que este ano celebrará a súa 15ª edición, súmase ás diferentes accións que a Fundación Paideia Galiza desenvolve, baixo o seu eixe de emprendemento, para fomentar a actividade artística e musical poñendo ó servizo dos emprendedores as ferramentas necesarias para visibilizar e profesionalizar a súa carreira profesional. Entre as diferentes actividades que se desenvolven, artelladas a través de Estudios Mans, están as accións formativas para a mellora das competencias profesionais en áreas de xestión e plan de negocio, premios como recoñecemento do esforzo e posta en valor dos méritos dos artistas noveis ou concursos para participar en festivais ou para gravar nun estudio profesional.

 

 

No hay comentarios

Lo sentimos, en estos momentos no es posible realizar comentarios.

xfantazy.org
bdsmgo.net
bdsm-ok.com
bdsmk2s.com
X